ايه المطلوب عشان تبني كيان في سوق مش موجود ؟

ايه المطلوب عشان تبني كيان في سوق مش موجود ؟

-اولا : كيف توجد السوق ؟

١-وده اخد مني و من كل اللي اجتهدوا في خلق السوق ده ٧ سنوات عضال ، من "المغامرة اولا ثم التعلم ثم الشغف " بالاضافة الي الاستعداد للتعب و المجهود و الضغط ثم القدرة علي الاستثمار المادي و النفسي وصولا الي "الصبر " الذي يخلق الكفاح و المثابرة فتبدا تستطعم النجاح فتواجه الفشل و تحاربه حتي تصل الي النجاح مرة اخري و بعد التفاوض و التناحر ييجي التصالح النفسي و التصالح مع الاخر "مهما كان اختلافه "و العرفان بالجميل لكل شخص قابلته في المشوار تتعلم ان مجهودك لوحدة مش كفاية فتبدا تفهم قيمة المجهود الجماعي و قيمة الفريق و الصاحب الجدع اللي مايبيعكش في الشغل علي اول ناصية ثم تتعلم تحترم الجميع و تعرف ان محدش ملوش لازمة فتبدأ تفهم العلامات و تقرا الوقت و تربط الاحداث فتفهم حياتك من خلال شغلك. كل ده علي بعضه اسمه في اللغة العربية العظيمة "الخبرة" و بالخبرة و اعادة كل ماسبق اتمني من ربنا يوصلني للمرحلة اللي بعدها و هي "الحكمة "

٢-بوجود "الخبرة" تقدر تفهم السوق و متطلباته الكتير و الصعب جدا عليك توفرها بامكانياتك المحدودة مهما كان لديك من امكانيات. و هنا تيجي قيمة تنظيم الوقت و ترتيب المراحل. ايه ثم ايه هيجيب ايه ؟؟؟ و هنا هتفضل في دوامة البيضة ولا الفرخة و الحقيقة انها ماتفرقش المهم تبدا لان البيضة هتجيب كتكوت و هيبقي فرخة و الفرخة هتجيب بيضة هتبقي كتكوت ثم فرخة!!! فالنتيجة واحدة ، ابدأ و خلاص و سيبها علي ربنا.

٣-الفلوس ؟؟؟ المحرك الرئيسي و معطل المراكب السائرة!!!! الحقيقة ان من غير فلوس البداية اصعب. بس بشوية فلوس قليلة جدا و ترتيب كويس و حسبة مظبوطة تقدر توصل للفلوس القليلة "كوسيلة" توصلك للفلوس الكبيرة اللي هي في البيزنس هتتحول ل "الغاية" و ده من وجهة نظري اسمة. الوسيلة تمهد للغاية و لا تبررها. ولان الفلوس هي اهم ما في الموضوع فانا بنصح بالتعامل معاها بمبدأ مش عايزك و هتيجي لوحدك تجري ورايا. انا فاهم كويس ان اي حاجه لازم تجري وراها عشان تجيبها بس الا الفلوس و كائن اخر كل ما هتجري وراهم هيمشوا ابعد الحل الوحيد معاهم انك تشتغل علي نفسك و ساعتها هما الاتنين هيحبوك اوي و يجروا وراك و ساعتها بس هتحس بقيمتهم الحقيقية. لان اللي بتجري وراه لما بتوصله بتفقد الشغف فيه لكن العكس غير صحيح.

اخيرا و بالمناسبة دي حبيت اشارككم فرحتي باكتمال المنظومة في شغلي بعد سنين التعب دلوقتي بوفر للعملاء سيارات كهربائية من الخارج و من داخل مصر و نظام بيئي متكامل كالاتي :

١-اول معرض متخصص في تسلا في مصر

٢-مراكز خدمة متخصصة و علي اعلي مستوي.

٣-وكالة محطات شحن منزلية ايطالية باعلي جودة

٤- اكسسوارات و قطع غيار السيارات الكهربائية

٥-اكبر جروب توعوي لنشر فكرة و ثقافة السيارات الكهربائية ب ٢٠٠ الف مشترك مع شريكي اخويا و حبيبي محمود مسامير. عراب السيارات الكهربائية ممكن تتابعوه من هنا

https://www.facebook.com/groups/evegypt/?ref=share

https://youtube.com/channel/UCVexiIJuF2h3XwbZZUmLv5w

٦-صفحة Tesla club Egypt المتخصصة في تسلا

٧-الموقع الرسمي اللي لسه بطوره و بظبطه عشان تقدروا تتابعوني عليه Ahmedzein.com غير الصفحة الرسمية و البروفايل و عندي قناة علي يوتيوب ماحدش بيشوفها فمش هحط اللينك

٨- اول فيلم قصير شامل عن السيارات الكهربائية و علاقتها بالتنمية المستدامة نزلنا اعلانه و هتشوفوا منه اجزاء قريب ثم هنعرضه كامل علي بعضه

AlienZاللي لازم تتابعوها عشان تعرفوا كل جديد عن الشركة ٩-

١٠-مقر الشركة اللي اشتغلتله مهندس ديكور عشان يكون مناسب لعملائنا و عملته بايدي.

و بكدة بقي عندي اجابة السؤال.

ازاي تعمل كيان ؟ Alienz Holding

اسيبكم مع البوم الصور. و مفيش اسف عالاطالة